Aksioni “Kanalizimi” – gjen unazën dy vjet pasi i kishte rënë në WC

Britanikja sërish e gjeti unazën me diamante, e cila para dy vitesh i kishte rënë në guacën e WC-së, e më pas ia kishte lëshuar ujin. Për ta kërkuar këtë unazë të shtrenjtë asaj i ndihmoi edhe firma për pastrimin e mbeturinave e cila u angazhua për ta kërkuar unazën në 12.000 galonë mbeturina.
Firma u përpoq ta gjejë unazën duke vendosur kamera në cisternat e kanalizimit, duke filtruar kanalizimin bile kishte angazhuar edhe punëtorë që ta kërkojnë unazën me ndihmën e detektorit të metaleve.

Por unazën më në fund e gjeti krejt rastësisht njëri nga punëtorët e firmës në baltë, dhe atë dy vjet pasi kishte humbur.

Joan Spiers (67 vjeçe) nga Surrey gjendej në një hotel në Gatwick kur e humbi unazën antike, e zbukuruar me një diamant të madh e të shtrenjtë dhe me disa gurë diamanti më të vegjël anash.