Putini sillet si 20 e sa vjeçar

Shën Peterburg, 7 nëntor – Kryeministri i Rusisë vazhdon të dëshmohet se gjoja është një macho man. Në një shteg special në rrethinat e Shën Peterburg, ai sot ka testuar bolidin e Formula-1, duke zhvilluar shpejtësi 240 kilometra në orë. .
Para se të hynte në bolid, instruktorët i sqaruan të gjitha detajet e shtegut.
Një muaj më parë Putini pati marrë pjesë në nënshkrimin e marrëveshjes me F-1 në qytetin Soçi, buzë Detit të Zi, ku nga vitit 2014 e deri në vitin 2020 do të organizohen garat për Çmimin e Madh të Rusisë në F-1.
Thuhet se kryeministri rus me ngasjen e bolidit ka dashur ta afirmojë këtë sport në mesin e rusëve, por edhe të shfrytëzojë rastin që të forcojë edhe më imazhin e vet të madho manit.