Nadal mposht Federerin në Madrid Open

Rafal Nadal ka shënuar fitore bindëse përballë tenistit më të mirë në botë Roger Federer, me rezultat prej 2-0 në sete (6-4 dhe 7-6), në finalen e Madrid Open.

Kjo ishte përballja e parë e rivalëve të përbetuar që nga finalja e vitit të kaluar në Masters Series, të cilën e fitoi Federer.

Titulli i Madridit e bën spanjollin favoritin kryesor për turneun e radhës French Open, i cili fillon këtë javë.

Nadal, i cili është katër herë kampion i French Open, ka fituar 168 nga 174 përballjet e tij që nga viti 2005.

Duke qenë se fitoi edhe në Monte Carlo, të hënën Nadal rikthehet në vendin e dytë të renditjes së përgjithshme të tenistëve, prapa Federer dhe para Novak Djokovic