Nadal triumfon në French Open

Tenisti numër një në botë, Rafael Nadal, ka dëshmuar se ai është
në maje të këtij sporti, pasi me një fitore dramatike kundër Roger
Federerit barazoi rekordin prej gjashtë titujsh në French Open.Spanjolli ka regjistruar fitore prej 3-1 (7-5, 7-6, 5-7 dhe 6-1) në Roland Garros pas përballjes që zgjati 3 orë e 39 minuta.
Në këtë mënyrë, Nadal barazon rekordin e Bjorn Borg prej gjashtë titujsh në këtë garë.
Nga ana tjetër, 25-vjeçari, i cili tashmë në tërësi ka fituar 10
tituj Grand Slam, e ka përforcuar pozitën e parë në ranglistën e
tenistëve, pasi që do të mbetet përpara Novak Djokovicit. /Telegrafi/