Kuçi paralajmëron masa për shkeljet në MD

Zëvendëskryeministri dhe ministri i Drejtësisë, Hajredin Kuçi, do të reagojë në mënyrë ligjore, për të gjitha shkeljet që do të evidentohen në Ministrinë e Drejtësisë- thuhen në një komunikatë të lëshuar nga kjo ministri.
MD njofton opinionin publik dhe mediat lidhur me disa shkrime të paraqitura në media, në të cilat paraqitën disa parregullsi në procedurat e tenderimeve në Departamentin e Prokurimit të kësaj ministrie, që këto janë procedura që kanë filluar para ardhjes së Kuçit si ministër i Drejtësisë.

Megjithatë, ministri Kuçi ka premtuar se do të shikohet seriozisht çdo procedurë dhe në ato raste ku evidentohen shkelje në procedurat e prokurimit në MD, do të merren masa ligjore. /Telegrafi/