Serbët bllokojnë sërish rrugët në veri

Dhjetëra banorë edhe biznesmenë serbë kanë bllokuar edhe sot rrugën Zubin Potok-Ribaric.
Policia rajonale në Mitrovicë bëri të ditur se bllokimi i rrugës është bërë në shenjë kundërshtimi ndaj arrestimit të fundit të Jevro Pantelic, i cili dyshohet të jetë i përfshirë në krim të organizuar, raportojnë mediat.
Kreu i Shoqatës së biznesmenëve të Zubin Potokut, Ratomir Bozhovic, ka thënë se rruga nuk do të zhbllokohet deri në lirimin e Pantelic.
Policia ka bërë të ditur se një grup serbësh kanë bllokuar sot edhe urën kryesore mbi lumin Ibër në Mitrovicë, për t’u solidarizuar me biznesmenët e Zubin Potokut. Megjithatë, tashmë ura është e lirë për qarkullim. /Telegrafi/