Kërkohen mënyra tjera për ndihmat në Gaza

Washingtoni ka bërë të ditur se bllokada izraelite në Rripin e Gazës nuk mund të mbetet në formën aktuale, dhe se duhet gjetur mënyra të reja për dërgimin e ndihmave humanitare atje.
"Punojmë me Izraelin, autoritetin palestinez dhe partnerët tjerë ndërkombëtarë në zhvillimin e procedurave të reja për dërgimin e mallrave dhe ndihmave në Gaza", tha zëdhënësi i Këshillit të Sigurisë Kombëtare, Mike Hammer.

Zëdhënësi i Departamentit të Shtetit, Phillip Crowley tha se "të gjithë dëshirojnë që të shmanget përsëritja e incidentit tragjik" që ndodhi të hënën, kur në sulmin e komandove izraelite në flotiljen humanitare u vranë nëntë aktivistë pro-palestinezë. /rel/