Capello ndalon alkoolin

Londër, 7 qershor - Trajneri italian ka marrë vendim që futbollistëve të Anglisë rreptësisht t'ua ndalojë alkoolin gjatë Kampionatit Botëror 2010 në Afrikën e Jugut. Për të zbatuar këtë vendim të Capellos do të asistojnë edhe punonjësit e Federatës së Futbollit të Anglisë që gjatë tërë kohës do të qëndrojnë me futbollistët. Më se 60 persona të ekspeditës së Anglisë janë të vendosur në hotelin luksoz "Royal Bakofeng" që e ka edhe kompleksin sportiv në paralagje të Rustenburgut. Në kampionatet e mëparshme, futbollistët anglezë lejoheshin që gjatë drekës të pinë nga një gotë verë, ndërsa në Afrikë të Jugut edhe këtë e kanë të ndaluar.