Facebook bëhet më i madh se Google?

Sipas disa hulumtimeve të bëra nga Hitwise, rrjetet sociale në përgjithësi janë më të popullarizuara se motorët e kërkimit, në disa vende të botës.
Në fakt, rrjetet sociale të tilla si Facebook janë duke u përpjekur shumë të arrijnë rezultate më të mira se emrat e mëdhenj në internet, si Google ose Bing. Dhe, kjo është duke ndodhur për disa muaj rresht.

Siç raporton së fundmi kompania Hitwise, trafiku online i faqes Facebook e ka tejkaluar atë të kompanisë Google, për herë të parë në SHBA, gjatë muajit maj të këtij viti.

Në raport gjithashtu thuhet se njerëzit në Mbretërinë e Bashkuar, më shumë vizitojnë rrjetet sociale se sa motorët e kërkimit. Ndërsa, Facebook kryeson listën e rrjeteve sociale të cilat vizitohet nga përdoruesit, me gjithsejtë 55 për qind të vizitave të cilat shkojnë për të gjitha rrjetet sociale. Nëse këto vizita krahasohen me të gjtha vizitat që përdoruesit i bëjnë online, atëherë Google merr 9.3 për qind të trafikut, ndërsa Facebook merr pjesë me 7 për qind.

Mirëpo, sipas të dhënave për Mbretërinë e Bashkuar, rrjetet sociale kanë 55 për qind më shumë vizita, krahasuar me motorët e kërkimit. Kjo ka ndodhur një herë, mirëpo nëse analizohen trendet, atëherë mund të thuhet se kështu do të jetë edhe në një të ardhme të afërt.