Hipertensioni

Hipertensioni ose shtypja e lartë e gjakut është një sëmundje
në të cilën shtypja e gjakut ka nivele të larta dhe permanente mbi
arterjet.
Dihet se presioni arterial nuk është konstant dhe në periudha të
ndryshme gjatë ditës ndryshon nga vlerat më të larta gjatë sistoles në
vlerat më të ulta gjatë distoles së
zemrës. Nëse këto vlera i tejkalojnë kufijtë e përcaktuar për presionin
ose shtypjen normale atëherë flasim për presion të lartë të gjakut ose
hipertension. Sipas kritereve të përcaktuara nga OBSh (Organizata
botërore e shëndetësisë) vlerat normale të presionit arterial sistolik
janë rreth 140 mmHg ndersa presioni diastolik duhet ti ketë vlerat rreth
90 mmHg.
Diagnostikimi i hipertensionit është i komplikuar sepse ai varet edhe
nga gjendja psiqike e pacientit dhe ka vlera të ndryshueshme gjatë
ditës. Shpesh shkaku i tij nuk është i përcaktueshëm dhe atëherë bëhet
fjalë për hipertension esencial dhe mund të shfaqet edhe nga
ndonjë defekt ose infeksion i ndonjë organi p.sh i veshkave atëherë kemi
hiprtension sekondar (organik)

Mjekimi pa
medikamente
A) Zvogëlimi i peshës trupore (për obezët), për ç'do 10 kg të hequra
presioni bie për 5 deri 20 mmHg.
B) Dieta me shumë pemë dhe perime (pa holesterol) ul presionin për
8-14 mmHg.
C) Zvoglimi i konsumit të kripës ul presionin për 2-8 mmHg.
D) Aktiviteti fizik p.sh shetitjet e rregullta prej 30 min. në ditë
bën uljen prej 4-9 mmHg.
E)(Për ata që pijnë alkohol) eliminimi i alkoholit ul presionin 2-4
mmHg.