SHBA kërkojnë zgjidhjen e konfliktit të Gazës

Presidenti amerikan Barack Obama kërkoi zgjidhjen e konfliktit të Gazës. Duhet të ketë një rrugë e cila do të mundësonte furnizimin më të mirë të popullatës palestineze në Rripin e Gazës pa e rrezikuar sigurinë e Izraelit, tha ai pas një takimi me presidentin e palestinezëve Mahmud Abbas në Uashington.
"Ne mendojmë se ka rrugë ku mund të përqëndrohemi më shumë me pengimin e furnizimit me armë në vend se të bllokohet menjëherë gjithçka", tha Obama.

Obama paralajmëroi një paketë ndihmash për popullatën civile palestineze në vlerë prej 400 milionë dollarësh. Ndërkohë Izraeli paralajmëroi një zbutje të lehtë të embargos kundër Rripit të Gazës. Pijet dhe mallra të caktuara ushqimore nga java e ardhshme mund të transportohen sërish për në rajonet palestineze të kontrolluara nga Hamasi radikal-islamist. /DW/