Kryeministri slloven ankohet për rrogën e vogël

Kryeministri slloven ankohet për rrogën e vogël


Kryeministri i Sllovenisë, Borut Pahor duke folur me një
grup studentësh të premten tha se mezi e kalon muajin me rrogën që ka
dhe duhet të shpenzojë kursimet, njoftojnë mediat sllovene.

“Unë
jam kryeministri i shtetit. Rroga ime mujore është 3.002 euro. Nuk mund
të mbijetoj me rrogën time”, tha Pahor duke i lënë studentët gojëhapur.
Ai më pas sqaroi se problemet e tij financiare janë paraqitur pasi ai
kishte premtuar se do t’i paguante vetë shpenzimet personale më 2009,
kur qeveria miratoi masat e kursimit për t’i shpëtuar krizës ekonomike
botërore.
Rroga mesatare në Slloveni që është anëtare e BE-së është 967 euro.