Lagerback: Gabimi na kushtoi

Nigeria pësoi disfatë minimale nga Argjentina në ndeshjen e parë të Botërorit, disfatë për të cilën përzgjedhësi i Nigerisë, Lars Lagerback, shprehet të jetë shkaktuar nga një gabim i vetëm në mbrojtje.
“Është e pafat që një gabim i yni në mbrojtje kushtoi me gol. Një shpërqendrim momental e krijoi golin, por kjo është loja në këtë nivel”, theksoi Lagerback.

I pyetur nga gazetarët se pse nuk i shtrëngoi pas ndeshjes duart me Maradonan, Lagerback tha: “Unë kam respekt për Maradonan dhe do të doja t’i shtrëngoja duart me të. A duhet patjetër të bëjmë kështu? Mendoj se mund t’i shtrëngoni duart në çdo moment. Tani duhet të fokusohemi në ndeshjet tjera”