Android 2.2 gati vetëm për pajisjet myTouch 3G

Faqja jo-zyrtare e T-Mobile thotë se është mirë e informuar për versionin e ri 2.2, të sistemit operativ Android.
Sipas asaj që thotë TmoNews, e gjithë linja e pajisjeve myTouch 3G, do të mund të azhurnohen me versionin e ri Android 2.2, dhe kjo informatë mund të shihet edhe në një broshurë të cilën e ka publikuar faqja.

Përdoruesit e pajisjeve më të vjetra se myTouch 3G gjithashtu do të kenë në dispozicion funksionalitetin e Genius Button, i cili posa është paraqitur në modelin Slide, bashkë me Faves të cilat janë rifreskuar plotësisht.

Pajisjet e azhurnuara me Android 2.2 do të kenë qasje të plotë në email’at e sinkronizuar përmes Microsoft Exchange. Data e lëshimit të versionit të ri Android 2.2 ende nuk bëhet e ditur, mirëpo ne gjithsesi se do ta ndjekim nga afër çdo publikim lidhur me sistemin operativ Android 2.2.