Ubuntu për kompjuterë tablet në zhvillim

Canonical tanimë po punon në zhvillimin e versionit të thjeshtuar të Ubuntu Linux për kompjuterë tablet, e pajisjet e para pritet gjatë vitit të ardhshëm.
Zëvendës-presidenti i njësisë OEM të Canonical, Chris Kenyon, ka konfirmuar punën e kësaj kompanie në zhvillimin e distribucionit Linux për kompjuterë tablet. Ky version do të duhej të dallojë dukshëm në krahasim me kompjuterët e rëndomtë ekzistues, e theks të veçantë Canonical i jep dizajnit të konfiguracionit të përshtatur për ekranet e ndjeshme në prekje.

Konfiguracioni do të jetë i thjeshtë dhe intuitiv, e vet sistemi do të mbështes tastierën virtuale dhe disa madhësi të ekraneve së bashku me kompatibilitetin e versioneve më të shpeshta të sensorëve të ndjeshmërisë në prekje. Në mënyrë që produkti të jetë sa më kualitativ dhe në rangun e konkurrencës si Android, MeeGo apo iOS, Canonical bashkëpunon edhe me prodhuesit e harduerëve.

Marrëveshjet për bashkëpunim tanimë janë arritur me kompanitë Freescale, Texas Instruments, Marvell, Intel e Pixel Qi. Në këtë mënyrë do të mundësohet implementimi i mekanizmave më të efektshëm të kursimit të energjisë dhe puna më e mirë në procesorët ARM, që janë tipik për kompjuterët tablet.