Çmimi Nobel për fizikë për dy japonezë dhe një amerikan

Çmimi Nobel për fizikë për dy japonezë dhe një amerikan

Çmimin Nobel për fizikë e marrin këtë vit shkencëtari amerikan me origjinë japoneze Yoichiro Nambu dhe kolegët e tij japonezë Makoto Kobayashi dhe Toshihide Maskawa.

Ata morën këtë vlerësim të madh për studime në fizikën kuantike, studime që kanë ndihmuar për të kuptuar më mirë natyrën, siç bëri të ditur Akademia e Shkencave në Mbretërinë e Suedisë.

Çmimi shoqërohet me 1 milionë euro dhe jepet tradicionalisht më 10 dhjetor, ditën e vdekjes së themeluesit të çmimit, Alfred Nobelit.