Microsoft integron edhe Facebook, në kërkimet e Bing

Microsoft do të lansojë një faqe të re kërkimi që tregon rezultatet nga rrjetet sociale si Facebook dhe Twitter, tha një ekzekutiv i kompanisë amerikane në Search Expo Marketing në Seattle.
Përdoruesit mund të vizitojnë faqen Bing.com /social , e cila do të lëshohet gjatë ditës së mërkurë, dhe të kërkojnë tema të ndryshme. Ata do të gjejnë një përmbledhje të temës së caktuar, si dhe një listë të linqeve më të mira të shpërndara në internet, tha Yusuf Mehdi, zëvendës president për biznesin online në Microsoft.

Kjo është një listë e linqeve që njerëzit i kanë shpërndarë në Facebook dhe Twitter. Përdoruesit do të jenë në gjendje për të parë se sa njerëz kanë shpërndarë një link të caktuar në internet. Shërbimi shfaq informacionet nga faqet e Facebook, të cilat janë njohura edhe si FanPages, si dhe linkat më të popullarizuar që njerëzit kanë postuar në faqet e tyre.

Edhe në qoftë se një përdorues i Facebook zgjedh për të ndarë të gjitha të dhënat e tij me të gjithë njerëzit e tjerë, Microsoft nuk do të shfaq atë informacion publikisht, duke mos e bërë publik faktin që informata e caktuar është e lidhur me një individ.

Në fund të vitit të kaluar, Microsoft kishte filluar të shfaq kërkimet e Twitter në Bing, por njoftimi i fundit nga kompania thotë se kjo faqe tashmë do të integrojë Facebook dhe Twitter dhe në të njëjtin vend.