Fitime të larta të Facebook

Fitime të larta të Facebook

Vitin e kaluar Facebook ka pasur 800 milionë dollarë fitime, të cilat janë gjeneruar kryesisht me anë të reklamimit.
Sipas informatave të burimeve të mirinformuara, gjatë vitit të kaluar rrjeti për shoqërim online Facebook ka pasur fitime prej rreth 800 milionë dollarësh, shkruan agjencia e lajmeve Reuters. Fitimi i pastër numërohet në dhjetëra milionë dollarë, mirëpo pasi që Facebook ende nuk ka dalë në bursë, kompania nuk publikon zyrtarisht raportet e saja financiare.

Anëtari i drejtorisë së Facebook, Marc Andreessen, qysh në mesin e vitit të kaluar kishte prognozuar të hyra mbi gjysmë miliardë dollarë (për atë vit), e pjesa dërmuese e fitimit ka ardhur nga reklamimi. Ndërkohë, vlerësimet për këtë vit janë mbi një miliard dollarë, derisa numri i reklamuesve dhe përdoruesve rritet pandërprerë.