Jaguar godet me plot fuqi

Me rastin e shënimit të 75-vjetorit të vet Jaguar ka përgatitur një version të veçantë të kupesë së saj prestigjioze sportive XK. Siç edhe është mundur të pritet, pos pajisjeve luksoze modeli elegant XK ka fituar më shumë fuqi dhe performansa më të mira.
Jaguar XK 75 simbolikisht me numrin 75 sepse ai shënon numrin e viteve që Jaguar ekziston si markë automjetesh, derisa në të njëjtën kohë ky model do të prodhohet në serinë e kufizuar rreptësisht prej 75 njësish.

Të gjitha “nafakalitë” të cilët do të janë në gjendje t’ia blejnë vetes një XK75 do të mund të presin të kanë një Jaguar i cili me të vërtetë do të dallohet nga të tjerët. Përveç detajeve të shumta të veçanta, më e rëndësishmi gjithsesi është motori 5.0 litërsh me kompresor i cili ka kaluar nëpër rishqyrtime të detajuara, prandaj ky version tani është përforcuar në 523 kuaj fuqi. Kështu Jaguar XK 75 arrin shpejtësinë prej zero deri në 100 km/h për vetëm 4.4 sekonda, në krahasim me XK standard i cili deri njëqind kilometra arrin për 4.6 sekonda.

Ky version i XK dallon nga ai origjinal edhe nga pikëpamja estetike, prandaj qysh në shikim të parë duket dukshëm më dinamik.

Këtë seri të veçantë të modelit XK Jaguar do ta paraqes zyrtarisht më 2 korrik të këtij viti, dhe atë në festivalin tradicional të shpejtësisë Goodwood, i cili është më shumë se i përshtatshëm për një Jaguar kaq të shpejt.