Zjarrvënie e qëllimshme një restoranti

Klinë, 25 qershor - Policia e Klinës ka njoftuar se një zjarr ka shpërthyer në restorantin “Ujëvarat e Mirushës” në fshatin Volljakë të Klinës. Pronari dyshon për zjarrvënie të qëllimshme. Ai i ka treguar policisë se së fundi ka pasur një mosmarrëveshje me një person. Si pasojë e kësaj zënke ai dyshon se mund t’i jetë shkaktuar ky dëm material.

Një njësit i zjarrfikësve ka dalë në vendngjarje dhe e ka lokalizuar zjarrin.

Vlera e dëmeve materiale llogaritet në rreth 2 000 -3 000 euro, kurse të lënduar nuk ka.

Personi i dyshuar i është përgjigjur thirrjes se policisë dhe në konsultim me prokurorin është ndaluar për 48 orë.