Therje me thika në Burojë

Skenderaj, 25 qershor - Policia ka arrestuar dy persona në fshatin Burojë të Skenderajt, të cilët pas një mosmarrëveshjeje e kanë rrahur viktimën, duke e therur me thikë.

“Viktima ka pësuar lëndime të rënda trupore dhe është dërguar në Qendrën Klinike Universitare të Kosovës në Prishtinë për tretman mjekësor”, ka njoftuar policia.

Në vendin e ngjarjes janë gjetur dhe konfiskuar dy thika dhe dy pushkë gjuetie, të cilat nuk kanë qenë të përdorura me këtë rast.

Me urdhër të prokurorit, të dyshuarit janë paraburgosur.