Gratë dërdëllisin nga dy orë e gjysmë në javë

Londër, 25 qershor – Femrat shpenzojnë 7.920 minuta në vit për t’u mbajtur fjalime partnerëve të tyre, kryesisht për shkak të punëve të shtëpisë, konsumimit të alkoolit dhe shëndetit, kanë treguar rezultatet e anketës së opinionit publik të organizuar në Angli, në të cilën kanë marrë pjesë 3.000 persona. Është konstatuar se gratë i kritikojnë partnerët e tyre mesatarisht nga dy orë e gjysmë në javë, apo më saktësisht 11 orë në muaj. Më së shumti vërejtje kanë për punët e përditshme të shtëpisë, e më pas vijnë ankesat për alkool dhe për shikimin e tepruar të transmetimeve sportive në televizor dhe në fund edhe për atë se meshkujt i shmangin kontrollimet te mjekët. Ngushëllimi për të gjitha këto dërdëllitje është fakti se thonë që këtë e bëjnë nga dashuria. Mirëpo interesant po ashtu është edhe fakti se përvojat kanë treguar që dërdëllitjet e tyre në shumicën e rasteve kanë dhënë rezultate, pasi meshkujt në fund e bëjnë atë që kërkohet prej tyre. Por pa dyshim gjëja më interesante nga të gjitha është se mbi 83 për qind e meshkujve të anketuar kanë pranuar se partneret e tyre kanë të drejtë kur ankohen dhe i kritikojnë.