Pamjet e para të Nokia N9

Nokia më herët pati paralajmëruar modelin më të ri të telefonit të zgjuar, rrëshqitësin N9, ndërsa tani janë paraqitur edhe pamjet e mundshme të këtij telefoni në internet.
Mirëpo, tani pyetja më e rëndësishme këtu është: sistemi operativ i telefonit. Edhe pse Nokia pati thënë se pas modelit N8 do të kalojë në platformën MeeGo për linjën e saj të telefonave, N series.

Ndërsa, prej pamjeve të shfaqura në internet me sa duket edhe ky model do të bazohet në Symbian.

Ekrani i ndjeshëm në prekje i telefonit mendohet se i dedikohet grupit të njëjtë të konsumatorëve, të cilët ishin të interesuar për modelin paraprak, N8, pasi që edhe ky model posedon kamerë me mega-piksel të njëjtë, si dhe dizajnin, i cili është mjaft i ngjashëm.

Specifikat e plota të telefonit pritet të merren vesh gjatë ditëve në vijim, pasi që Nokia nuk e ka zyrtarizuar ende modelin e saj më të ri të telefonit të zgjuar.