Sllovaki: Nuk është aktual ndryshimi i qëndrimit për Kosovën

Sllovaki: Nuk është aktual ndryshimi i qëndrimit për Kosovën

Ministri i jashtëm i Sllovakisë, Mikulas Dzurinda, deklaroi tw premten se në Sllovaki nuk është aktual ndryshimi i qëndrimit për Kosovën, por kjo nuk është pengesë për perspektivën e saj evropiane.
“Qëllimi është vendosja e raporteve me të vërtetë të mira ndërmjet Beogradit e Prishtinës. Jemi për dialog dhe do të ishte mirë, që të fillonte me të vërtetë”, tha Dzurinda në takimin e ministrave të jashtëm të vendeve të katërshes së Vishegradit dhe me ministrat e jashtëm të Ballkanit Perëndimor, njofton RFE.

Në katërshen e Vishegradit gjenden edhe Polonia, Çekia dhe Hungaria, të cilat tashmë e kanë njohur pavarësinë e Kosovës. Sllovakia është njëra nga pesë prej 27 vendeve të BE-së, që ende nuk e kanë njohur Kosovën.