Ancelotti: Drogba mund të luajë edhe shumë vite

Ancelotti: Drogba mund të luajë edhe shumë vite

Menaxheri i Chelseat, Carlo Ancelotti, thotë se Didier Drogba ka edhe shumë vite të mbetura për të luajtur në nivelin më të lartë.
“Drogba është 32-vjeçar, por unë i kam thënë atij se Filippo Inzaghi shënoi dy gola në finalen e Ligës së Kampionëve kur ishte 35 vjeçar. Andaj, Drogba ende ka kohë për ta bërë të njëjtën gjë dhe të shënojë dy gola në finalen e Ligës së Kampionëve”.

“Ai ka një personalitet të fortë, por ai është efektiv – ai ka shënuar shumë vitin e kaluar. Ai është i fokusuar dhe e di shumë mirë se është një prej lojtarëve më të rëndësishëm në ekip. Ai nuk ka pasur shumë probleme me lëndimet gjatë karrierës së tij dhe mendoj se ai mund të qëndrojë në formë të lartë për shumë vite”, ka thënë Ancelotti.

Drogba është golashënuesi më i mirë i sezonit të kaluar në Ligën Premier me 29 gola dhe tashmë ka shënuar gjashtë gola këtë sezon.