Apneja gjatë fjetjes

Nëse nuk bëni gjumë të mjaftueshëm, edhe kjo mund të shkaktojë lodhjen. Porse, çfarë nëse nuk jeni të vetëdijshëm se bëni gjumë të pamjaftueshëm dhe jo të shëndoshë?
Gjendja e këtillë quhet apne - çrregullim i gjumit që shkakton ndërprerje momentale të frymëmarrjes. Kjo mund të ndodh disa herë gjatë natës, dhe secilën herë kur ndodh ndërprerja e frymëmarrjes, personi me këtë çrregullim gjumi, zgjohet dhe e ndërpret ciklin e gjumit, porse shpesh nuk është i vetëdijshëm për këtë.
Një gjë është e sigurt, e vetmja pasojë të cilën do ta ndieni është - lodhja e përhershme, pa marrë parasysh gjatësinë e gjumit. Apneja gjatë kohës së gjumit, e shkaktuar me obstruksion të rrugëve të larta të frymëmarrjes, më së shpeshti shfaqet te gratë të cilat kanë peshë të tepërt.
Edhe gërhitja është një prej shenjave të apnesë gjatë fjetjes. Këshillojmë konsultimin e domosdoshëm me specialistin! Mjeku do t'ju rekomandojë ndryshimin e mënyrës së jetesës, uljen e peshës së tepërt dhe ndërprerjen e duhanit. Në trajtim përfshihen edhe preparatet të cilat i mbajnë rrugët e frymëmarrjes të hapura gjatë fjetjes. Ky çrregullim kurrsesi nuk bën të lihet anash!