Farmville edhe për iPad

Ka shumë njerëz që përdorin rrjetin social Facebook për komunikim me miqtë e tyre, por ka edhe të tjerë që hyjnë aty vetëm sa për tu qasur në lojëra interesante, si Farmville.
Ndoshta ju mund të jeni njëri ndër ata personat që nuk keni shumë durim të prisni për orë të tëra për të mbjell diçka në fushën tuaj, por kjo lojë sot është shumë e famshme në tërë botën, dhe e njëjta luhet nga miliona njerëz.

Para disa muajsh, zhvilluesi Zynga pati sjell këtë lojë edhe në iPhone, ndërsa përdoruesit ishin shumë të kënaqur që mund të kujdeseshin për fushat e tyre dhe të vjelin frutat, prej kudo që ata ishin.

Ndërsa tani, Zynga ka paralajmëruar se loja do të jetë në dispozicion për shkarkim edhe në tabletin iPad.

Versioni i ri i lojës që vjen në iPad ka freskuar grafikën dhe kontrollin e lojës, dhe këto risi tani mundësojnë që loja të luhet në ekran më të gjerë dhe me rezolucion edhe më të mirë.

Kështu, adhuruesit e kësaj loje mund të kujdesen për fermën e tyre ekzistuese, apo të nisin një të re, në iPad.