‘Nokia’, me celular që mbushet në xhep!

Gjiganti i prodhimit të celularëve, “Nokia”, ka prezantuar një koncept të një celulari që përdor një sistem mbushës të përçueshmërisë së nxehtësisë për të mbushur baterinë në nivele të plota, gjersa celulari është në xhep të përdoruesit.
“Nokia” e ka emërtuar këtë celular koncept me emrin E-CU, ku E dmth ‘Environment’ (ambienti) dhe CU ‘Copper’ (bakri), që është edhe materiali që është përdorur në trupin e celularit dhe konverton nxehtësinë e trupit në energji.
Koncepti është dizajnuar nga Patrik Hajland, një djalosh nga Anglia, por në mes tjerash duhet theksuar se dizajneri nuk ka paraparë ndonjë lloj mbushësi tjetër për këtë koncept. Për një dizajn edhe më kreativ ai është përkujdesur që në pjesën e prapme të bëjë edhe gërryerje të panelit në atë formë që të duket sikurse sipërfaqja e tokës kur thahet pas periudhave të gjata pa reshje të shiut.