Kuvendi zgjedhor i LDK-së më 7 nëntor

Kryesia e LDK-së ka vendos sot që Kuvendi zgjedhor i kësaj partie të mbahet të dielën. Ende zyrtarisht nuk ka asnjë kandidaturë, pasi që Bujar Bukoshi është tërhequr nga gara. Por, burimet e Koha.net kanë thënë se Fatmir Sejdiu dhe Isa Mustafa do të jenë përballë njëri tjetrit për kryetar të LDK-së.

Vetë Sejdiu pas mbledhjes së Kryesisë u shpreh nuk e ka përjashtuar kandidaturën, por vendimin për këtë çështje ka thënë se do ta publikojë të dielën në Kuvendin Zgjedhor, siç e parasheh statuti i LDK-së.

Anëtari i Kryesisë, Ali Lajçi, ia ka bërë të qartë Fatmir Sejdiut se nëse dëshiron që partia të ec përpara duhet të tërhiqet dhe t’ia lëshoj vendin të tjerëve. Ndërsa, anëtari tjetër i Kryesisë, Sali Asllanaj, nga dega e Suharekës ka përsëritur se vetëm Isa Mustafa do ta çojë partinë përpara.