Qeni parandalon zjarrin

Qeni parandalon zjarrin







Qeni gjerman Badi nga Alaska ka
parandaluar shpërthimin e zjarrit pasi i ka dërguar shpëtimtarët deri te
vendi i zjarrit i cili i është kanosur shtëpisë së pronarit të tij,
transmeton Bi-Bi-Si-ja.
Qeni ka qenë me pronarin e tij Ben Hajnriks në punëtorinë e tij, kur
ka ardhur deri te zjarri. Zjarri ka kapluar edhe veshjen e njeriut dhe
përderisa ai ka tentuar të fiket nëpër borë, zjarri ka kapluar tërë
punëtorinë.
I lënduari Hajnriks nuk ka qenë në gjendje të shkojë për ndihmë dhe
këtë e ka bërë qeni i tij, Badi. Qeni ka filluar të vrapojë dhe ka
gjetur policë në një rrugë më të lartë dhe më pas i ka sjellë deri te
punëtoria e kapluar nga zjarri.
“Sistemi im GPS në momentin ishte i prishur dhe shtëpinë e gjetëm
veëm duke përcjellur qenin. Badi komunikonte me mua gjatë tërë rrugës
dhe më jepte shenja për të shpejtuar. Ishte e pabesueshme”, deklaroi
para gazetarëvve polici Terens Shenigan.
Duke iu falënderuar Badit, ekipet shpëtimtare kanë mbërritur me kohë
dhe kanë arritur të parandalojnë që zjarri të kaplojë edhe shtëpinë.
Punëtoria është djegur, ndërsa pronari ka kaluar me djegie më të
lehta në fytyrë dhe djegie të shkallës së dytë në duar.
Badi është dekoruar për veprën e tij heroike.