Kartelë SDXC e gjeneratës së re

Verbatim ka bërë një hap tjetër në tregun e memorieve flash me lansimin e kartelës së re të memories, SDXC class 10, me kapacitet prej 64 GB.
Kartela e re e memories SDXC është e dizajnuar që të bart sasi të mëdha informatash “sa çel e mshel sytë” dhe t’u ofrojë përdoruesve më shumë hapësirë për ruajtje të dhënash, shpejtësi më të madhe të leximit dhe regjistrimit për pajisje si telefona celularë, kamera, fotoaparate apo konzola mobile lojërash.

Kartelat e memories Verbatim SDXC 64 GB class 10 qysh tani janë në shitje, me çmim të rekomanduar të shitjes prej 40 eurosh.

Kjo kartelë memorie është kompatibile me sistemet operative Windows 7, Vista e XP si dhe punon me pajisjet të cilat mbështesin teknologjinë SDXC.