Obama pret mbështetjen për miratimin e Paktit me Rusinë

Presidenti amerikan, Barack Obama, deklaroi të enjten se shpreson që Senati do të ratifikojë marrëveshjen për armatimin bërthamor me Rusinë përpara përfundimit të mandatit.
Obama dhe homologu i tij rus nënshkruan në pranverën e këtij viti në Pragë marrëveshjen e re, që zëvendësoi paktin e mëhershëm START.

Në dy nëntor në Shtetet e Bashkuara u zhvilluan zgjedhjet për në Dhomën e Përfaqësuesve, ku republikanët morën kontrollin dhe ngushtuan dallimin në Senat. Si rrjedhojë, ndryshimet në Kongres e kanë vështirësuar pozitën e presidentit Obama.