YouTube: Për çdo minutë ngarkohen mbi 35 orë video

Google ka vlerësuar statistikat e reja që tregojnë se si shërbimi i saj për video, YouTube.com, vazhdon të rritet me shpejtësi.
Në fakt, sipas informatave të publikuara në blogun e saj zyrtar, përdoruesit në YouTube çdo minutë vendosin për rreth 35 orë video-material, ose dhe rreth 50,400 orë video për një ditë.

Për këtë rritje të madhe në YouTube, zyrtarët e kësaj kompanie thonë se ka disa faktorë. Një nga më të rëndësishmit është sigurisht fakti se është rritur limiti kohor i video-materialeve nga 10 deri në 15 minuta.

Në anën tjetër, YouTube gjithashtu ka rritur edhe kufirin për madhësinë e videos që tashmë mund të shkojë deri në 2GB, ndërsa faktor tjetër thuhet të jetë edhe popullariteti në rritje i telefonave të mençur nëpërmjet të cilëve është bërë relativisht e lehtë dhe e drejtpërdrejt mundësia për të vendosur një video në YouTube.