Tycoon TVB00, tablet i ri me Windows 7

Tableti i ri i lansuar nga First International Computer, i quajtur Tycoon TVB00 do të bazohet në sistemin operativ Windows 7.
Tableti vjen me versionin profesional Windows 7 Premium dhe i njëjti posedon procesorin e avancuar - 1.66GHz Intel Atom N455.

Pajisja e bazuar në Windows 7 posedon edhe ekranin “multi-touch” të ndjeshëm në prekje (10.1” 1024 x 600) dhe lidhjen pa tela 802.11b/g/n dhe Bluetooth 2.1.

Megjithatë, për baterinë e Tycoon TVB00 thuhet se ka jetëgjatësi vetëm për 3 orë pune, e cila ofrohet përmes baterisë 2700mAh Polymer.

Thuhet se ky tablet peshon vetëm 850 gram dhe ka parametra, si: 243.5mm x 176mm x 15mm. Tycoon TVB00 Windows 7 do të lansohet në treg pikërisht me këtë emër, ndërsa fillimisht do të paraqitet në tregjet aziatike.