Gjermani me mbiemrin më të gjatë

Bernd Ottovordemgentschenfelde ka mbiemrin më të gjatë në Gjermani dhe për këtë do të hyjë në librin e rekordeve, nëse ka vend në faqe.

Gjermani 45-vjeçar, gjithë jetën ka pas probleme me mbiemrin e tij të gjatë. Siç transmetojnë mediet kroate, në gjysmën e dokumenteve është detyruar të shkruajë variantin e shkurtuar, pasi thjesht mbiemri nuk ka vend në një hapësirë kaq të vogël.

Ekspertja për emra, Judith Schwanke nga Universiteti i Lajpcigut ka konfirmuar se mbiemri i Bernd është më i gjati në Gjermani.

Gruaja e Berndit, Sylvia, dhe vajza, Nadine, kanë shkurtuar mbiemrat për arsye praktike, dhe tani mbiemri i tyre është Gentschenfelde.