Skulpturat në majat e lapsave!

Shumë artistë përdorin lapsat për të krijuar vepra arti, megjithatë artisti amerikan, Dalton Ghetti, i shndërron majat e tyre në skulptura të vërteta mikroskopike, transmetojnë mediet amerikane.

Me hobin e tij të pazakontë, Ghetti merret që 25 vjet, por vetëm në kohën e lirë, kur pushon nga puna e tij e përditshme, si marangoz. Ai ka krijuar skulptura të ndryshme, si të Elvis Preasley, shkronjat e alfabetit, kisha, karrige...

Hobin e tij të pazakontë, Ghetti nuk e sheh si art, por një lloj meditimi dhe relaksimi pas një ditë të vështirë.