Djordjevic ka urdhëruar dërgimin e kufomave në Batajnicë

Dëshmitari i mbrojtur K-87, ka deklaruar të hënën në Tribunalin e Hagës, se në pranverë të vitit 1999, gjenerali i policisë, Vlastimir Djordjevic, e ka urdhëruar atë që kufomat që ishin transportuar nga Kosova, të varroseshin në bazën e Ministrisë së Brendshme të Serbisë në Batajnicë




Djordjevic, ish kryeshef i sigurmit publik të Serbisë, nga Tribunali i Hagës është i akuzuar për zhvendosje të dhunshme, deportim, vrasje dhe dëbim të shqiptarëve nga Kosova, në gjysmën e parë të vitit 1999.

Dëshmitari i mbrojtur më tutje tha se “vetëm i ka zbatuar urdhrat”.

Trupat e pajetë, që me kamionë nga Kosova ishin dërguar në bazën në Batajnicë, janë varrosur në varrezën masive.

Në mënyrë të njëjtë, i akuzuari Djordjevic, ditëve të ardhshme, tri ose katër herë e kishte thirrur dëshmitarin dhe i kishte paralajmëruar ardhjen e kamionit me kufoma, ndërsa dëshmitari i mbrojtur K-87, e kishte organizuar varrimin.

Sipas akuzës, kufomat e civilëve të vrarë shqiptarë, sipas urdhrit të presidentit të atëhershëm të Jugosllavisë, Slobodan Milosevic, policia i kishte dërguar kufomat në Serbi për t’i fshehur gjurmët e krimit, raportojnë agjencitë beogradase.

Në më tepër lokacione në Batajnicë janë zhvarrosur më se 880 trupa të pajetë. /REL/