Zbatoni ligjet

Komisioneri për zgjerim i Bashkimit Evropian, Stefan Fuele ka deklaruar se në Kosovë edhe më tutje sfidat kryesore janë sundimi i ligjit, puna e administratës publike dhe gjyqësori.
Në një takim mbi Ballkanin Perëndimor në Parlamentin Evropian, Stefan Fule citohet të ketë thënë se duhet bërë çmos për mposhtjen e korrupsionit, krimit të organizuar dhe pastrimit të parave.

Fule ka porositur Beogradin se “për Serbinë, përveç zbatimit të reformave, ka rëndësi qasja e duhur ndaj pjesëmarrjes së Kosovës në tregtinë rajonale dhe bashkëpunimin”, shkruan Koha.net.

“Duhet të fuqizohet edhe bashkëpunimi me misionin e BE-në të sundimit të ligjit, EULEX, kur është fjala për veriun e Kosovës”, është shprehur Fule.

Komisioneri evropian për zgjerim, Stefan Fule, duke folur për procesin e liberalizimit të vizave tha se Shqipëria mori atë që meritonte.

Tre mesazhet kyçe që konferenca “Ballkani në zemër të Evropës” duhet të transmetonte, sipas kryeorganizatorit Joseph Daul, kishin të bënin me mbështetjen repsektive për më shumë mirëqeverisje e më pak korrupsion në rajon, mirëorganizimin politik për të evituar raste të bllokimit nga opozita si në rastin e Shqipërisë, dhe së treti, t'u tregohej vendeve të rajonit se para hyrjes në BE, duhet të përshtatin legjislacionin e praktikat evropiane.

Kryetarja e Kuvendit të Shqipërisë, Jozefina Topalli, e kryeministri Sali Berisha akuzuan Komisionin për mungesë transparence dhe shprehën pakënaqësinë e tyre për opinionin e publikuar mbi Shqipërinë.