Trevjeçari zbuloi një thesar ari

Një djalë i vogël, i cili po luante me detektorin e metaleve të gjyshit, gjeti një medaljon ari 500-vjeçar.

James Hyatt, kishte gjetur këtë raritet të shekullit të 16-të, i cili mund të kapë vlerën e tre milionë eurove.

Ekspertët mendojnë se ky medaljon mund t’i përkasë oborrit mbretëror, transmeton TCH.

Babai i djalit, Jason Hyatt u shpreh: “Ishte shumë i lumtur kur kuptoi që kishte gjetur thesar të vërtetë. Djali im ka shumë fat. Edhe nëse fut dorën poshtë divanit gjen para”, tha ai.

Djali tashmë 4-vjeçar, tha: “Mora detektorin dhe filloi të bënte zhurmë. Fillova të gërmoja në baltë dhe gjeta medaljonin”.

Medaljoni ka Shën Mërinë me kryqin në duar dhe në anën e pasme pesë zemra që pikojnë gjak.

Ekspertët do caktojnë vlerën e medaljonit dhe kjo vlerë do të ndahet midis pronarëve të tokës ku u gjet dhe familjes së vogëlushit.