Statuja e shenjtorit i ra hajnit përmbi derisa po vidhte kishën

Në Munih të Gjermanisë, një hajn ordiner po përpiqej të vidhte paratë e bamirësisë në një kuti të vendosur në kishë, kur statuja e Shën Antonit u rrëzua dhe i ra mbi kokë. Hajni pas kësaj, i frikësuar nga “dora e Zotit” hoqi dorë nga hajnia dhe iki me vrap.
“Shën Antoni me siguri nuk ka dashur ta lejojë hajninë”, tha prifti i kënaqur, Ludwig Sperrer.

Por hajni nuk vendosi ta ndryshojë jetën e tij për shkak të kësaj ngjarjeje hyjnore por shkoi drejtë e në shtëpinë më të afërt për të kërkuar ndihmë, derisa një grua shpirtmirë po ia lidhte plagët që i kullonin gjak, hajni ia vodhi kuletën që e kishte harruar mbi tavolinë.