Juve shkëmben Amaurin për Gilardinon

Torino, 9 dhjetor - Skuadra e Juventusit do t'i ofrojë Fiorentinës sulmuesin Carvalho Amauri në shkëmbim për italianin Alberto Gilardino, përcjell të mërkurën e përditshmja "Tuttosport". Krerët e Juventusit adhurojnë Gilardinon, që këtë edicion nuk është në formën e tij më të mirë, kurse Fiorentina edhe më herët është interesuar për transferimin e Amaurit. Ky i fundit aktualisht është i lënduar, por krerët e Fiorentinës e shohin si partner ideal për rumunin Adrian Mutu. Si Juventusi ashtu edhe Fiorentina janë në garë edhe për sulmuesin tjetër, Antonio Cassano.