Kremtohen Krishtlindjet në katedralen Nëna Terezë

Qytetarët e Kosovës kanë shënuar festën e Krishtlindjes. Sipas tyre, kjo kremte simbolizon bashkëjetesën në paqe, tolerancën fetare, por edhe unitetin e shqiptarëve.

Në katedralen Nëna Terezë në orët e mesnatës u mbajt për herë të parë Mesha e Mesnatës për nder të festës së Krishtlindjeve.

Me këtë rast, të gjithë besimtarët katolikë u përgëzuan me urimin për paqe, dashuri dhe tolerancë.

Gjatë ceremonisë ishin të pranishëm qindra katolikë - vendorë e ndërkombëtarë - por edhe shumë qytetarë myslimanë.

Me rastin e kësaj feste, Ipeshkvi i Ipeshkvisë së Kosovës, Imzot Dodë Gjergji të gjithë besimtarëve katolikë dhe njerëzve të tjerë vullnetmirë u ka dërguar një porosi për paqe, mirësi dhe dashuri.

Festa e krishtlindjes sivjet karakterizohet edhe me 100 vjetorin e lindjes së shenjtores Nëna Terezë.