Bëhet baba në moshën 94-vjeçare

New Delhi, 29 dhjetor – Fermeri hindus Ramajit Raghav është bërë baba në moshën 94-vjeçare. Gruaja e tij 50-vjeçare, Shakuntala, dhe djali i sapolindur, Karamjit, ndjehen mirë.
Raghav ndoshta është bërë babai më i moshuar në botë, kur i lindi djali, të cilin e quajti Karamjit (dhurata e Zotit). Familja e Ramajit kanë dy lopë, dhe marrin pension e pagë për punën në një fermë tjetër.
I pyetur se çfarë është sekreti i jetëgjatësisë dhe vitalitetit të tij, Ramajit u përgjigj se pi tre litra qumësht çdo ditë dhe ha rreth gjysmë kilogramë bajame në ditë. Ndërsa në fëmijëri është marrë me mundje. Hindusi më i moshuar, të cilit i ka lindur fëmija në pleqëri, ishte 96-vjeçari Nanu Ram Jogi, të cilit në vitin 2007 i lindi fëmija i 22-të në Rajasthan.