I propozoi fejesë në stadium ajo e refuzoi

Tifozi i klubit futbollistik nga Belgjika Cercle Brugge, mbeti i turpëruar kur para ndeshjes së klubit të tij të adhuruar në stadiumin përplot shikues vendosi ta fejojë të dashurën e tij.

Udhëheqësi foli disa fjalë hyrëse, ndërsa më pas ia dha mikrofonin tifozit të dashuruar, i cili e kishte marrë të dashurën me vete në fushën e lojës.

Edhe pse publiku e fishkëlleu, i riu lexoi një copë letër për t’i treguar se sa shumë e do, e më pas i ulur në gjunjë e luti për tu fejuar.

Vajza e shikoi me habi, ndërsa pas pyetjes së tij, mbeti e bllokuar për një moment. Pasi që e kuptoi se i dashuri e fejoi, me lot në sy e shikoi dhe e refuzoi duke u larguar me vrap nga tereni.

I riu u largua nga tereni me ndihmën e udhëheqësit të stadiumit, por edhe pse e humbi të dashurën, klubi i tij i adhuruar fitoi ndeshjen.