Truri i njeriut po zvogëlohet në 20 mijë vjetët fundit

Londër,– Truri i njeriut po zvogëlohet gradualisht në 20 mijë vjetët e fundit, kurse shkencëtarët kanë mendime të ndryshme lidhur me këtë. Disa mendojnë se kjo do të thotë se po bëhemi më të mençur, kurse të tjerët më kokëtrashë.
Zvogëlimi i madhësisë së trurit ka ndodhur pas dy milionë vjetëve gjatë të cilave kafka njerëzore është rritur gradualisht, gjë që ka ndodhur në mbarë botën dhe me të dy gjinitë dhe të gjitha racat njerëzore, shkruan Dayli Mail.
“Në 20 mijë vjetët e fundit, madhësia mesatare e trurit është zvogëluar nga 1 500 në 1 mijë e 350 centimetra kub, dhe në këtë mënyrë është humbur një pjesë e trurit e madhësisë së topthit të tenisit, sa afërsisht u zvogëlua edhe madhësia e trurit te femrat”, shkruan në revistën shkencore Discavery.
Sipas një pjese të shkencëtarëve, zvogëlimi i trurit të njeriut nuk do të thotë se kjo dëshmon për uljen e inteligjencës, përkundrazi flet për rritje të inteligjencës. Me këtë pohim pajtohen edhe disa antropologë, të cilët theksojnë se, ndonëse më i vogël, truri i njerëzve është më efikas, por një pjesë tjetër e antropologëve konsideron se njeriu gjatë zhvillimit vazhdimisht është bërë më kokëtrashë.
Sipas njërës teori, koka e madhe ka qenë e domosdoshme për mbijetesë në periudhën e neo paleolitit. Teoria tjetër thotë se kafkat janë zhvilluar asisoj që njeriu të mund ë hajë ushqimin që e zë, si lepujt, kaprojtë, dhelprat dhe kuajt, kurse madhësia e kafkës filloi të zvogëlohej me konsumimin e ushqimit më të lehtë.