Pakënaqësia me Ancelottin dhe Abramoviçin

Londër, 8 janar - Një transparent kundër trajnerit Carlo Ancelottit, dhe pronarit të Chelsear, Roman Abramoviç, është shfaqur të shtunën në Londër. Në rrugën që të dërgon drejt vendit të stërvitjeve në Cobham ishin ekspozuar dy transparente.
Në njërën shkruante “Jashtë Abramoviç dhe Ancelotti”, kurse në transparentin tjetër “Asnjëri prej jush nuk e meritoni ta vishni këtë fanellë”.
Sipas mënyrës dhe shkrimit që është përdorur, supozohet se bëhet fjalë për një person të njëjtë.
Hidhërimi i tifozit ka ardhur pas humbjes nga Wolverhamptoni.
“Nëse ka qenë vetëm një tifoz, atëherë do të thotë se kemi vetëm një person të pakënaqur, kurse në Itali është krejtësisht ndryshe. Atje rreth fushave të stërvitjeve mund të gjesh me mijëra tifozë të pakënaqur. Është e vështirë të gjendesh në një situatë të tillë”, tha Ancelotti.