Treshe ekstreme për USB 3.0

Samsung ka prezantuar 3 linja të disqeve eksterne me lidhje USB 3.0. Dy modele janë për përdorim mobil, ndërsa i treti dedikohet për përdorim desktop.
Disqet e avancuara mobile “Premium” do të kenë kapacitet prej një terabajti, pastaj do të kenë enkriptim harduerik 256-bitësh dhe do të përkrahin krijimin automatik të backupit të të dhënave. Do të jenë në disponim me tri ngjyra – Onyx black, Sapphire blue dhe Coral pink.
Linja bazike e disqeve mobile po ashtu do të vijë me kapacitet prej një terabajti, ndërsa shtëpiza mat do të duhej të ishte rezistuese ndaj gërvishtjeve dhe shenjave të gishtërinjve. Disqet do të jenë në disponim në katër ngjyra – Brown black, Noble beige, Clay orange dhe Mist gray. Për të gjitha modelet USB dock do të shitet ndaras.
Disqet eksterne për përdorim desktop do të kenë kapacitete prej 1,5 dhe 2 TB, ndërsa do të jenë të vendosur brenda shtëpizave kompakte (aq sa është e mundur). Këto disqe do të vijnë në dy ngjyra – Brown black dhe Noble beige.
Çmimet nuk dihen akoma, ndërsa liferimi fillon në muajin prill