Bie popullariteti i Putinit, shtohet ai i Medvedjevit

Moskë, 14 janar – Popullariteti i kryeministrit rus, Vlladimir Putin ka shënuar rënie gjatë gjysmës së dytë të vitit të kaluar, kurse i presidentit Dmitrij Medvedjev ka shënuar ngritje, ka njoftuar qendra për hulumtime Levada.
Sipas këtij hulumtimi, shkaqet kryesore të rënies së popullaritetit të Putinit janë trazirat në qendër të Moskës në fund të vitit 2010, si dhe pritja e qytetarëve se do të keë ngritje të çmimeve para Vitit të Ri.
Anketa, e realizuar nga fundi i dhjetorit, ka treguar se nëse Putin dhe Medvedjev do të merrnin pjesë në zgjedhje presidenciale, të cilat janë paraparë të mbahen vitin e ardhshëm, dallimi ndërmjet tyre do të ishte vetëm 10 poena të përqindjes, por megjitkëtë përkrahje më të madhe do të gëzonte Putini, transmeton e përditshmja “Gazeta”.
Në pyetjen se kë do ta dëshironin rusët për kandidat në zgjedhje presidenciale, 31 për qind e të anketuarve i kanë dhënë përparësi Putinit, derisa për Medvedjevin janë përcaktuar 21 për qind.
Mirëpo, kur këto të dhëna krahasohen me ato të muajit shtator, shihet se rejtingu i Putinit ka rënë 5 për qind, kurse popullariteti i Medvedjevit është shtuar 17 për qind.
Sipas politologëve të qederos Levada, rënia e rejtingut të Putinit do të vazhdojë të bie, ose do të bëjpë që ai të ndryshojë imixhin e tij.