Forlan: Juventusi? Vetëm spekulime…

Sulmuesi i Atletico Madridit, Diego Forlan ka pranuar se ai nuk është duke nxituar që të largohet nga Vicente Calderon, përderisa hedhë poshtë spekulimet për një kalim te Juventusi.

“Unë kam thënë shumë herë se jam mirë këtu dhe nuk e kam problem qëndrimin”.

“Por, jam profesionist dhe nëse vjen oferta e duhur atëherë ne do ta vlerësojmë atë dhe nëse ajo është e kënaqshme atëherë unë do ta ndërroj klubin. Deri tani unë nuk jam kontaktuar dhe nuk kam marrë ndonjë ofertë konkrete. Unë nuk mund të flas për Italinë sepse nuk ka asgjë, janë thjeshtë spekulime”, deklaroi Forlan.