Nuk e përjashton koalicionin e gjerë

Kryeministri në largim, Hashim Thaçi nuk e ka përjashtuar mundësinë e krijimit të një qeverie, të koalicionit të gjerë.

Pa dashur të flas për politikë, pas akademisë për presidentin e ndjerë Ibrahim Rugova, Thaçi tha se politika shqiptare unitetin e ka pasur edhe traditë dhe duhet të kultivohet.

“Kjo traditë e bashkimit do të vazhdojë edhe në kuptimin edhe shtetëror edhe politik edhe kombëtar edhe demokratik dhe më vjen mirë që ky është mesazhi më i mirë që duhet dërguar shteti i Kosovës gjithë miqve ndërkombëtar, por edhe politika kosovare gjithë qytetarëve të vendit”, tha ai.

Thaçi, tha se do të vazhdoj të luaj rolin e tij që i takon, duke kujtuar se ai është lideri më i besuari dhe i votuari. “Do të vazhdoj të luaj rolin e tij më takon si lideri më i besuari dhe i votuari për unifikimin e gjithë spektrit politik kosovar dhe qytetarëve”, tha Thaçi.